သင့်ကောင်မလေးက လိုတာထက်ပို အလွန်အကျွံသ၀န်တိုတတ်သူဆိုတာ သိသာစေတဲ့ အချက် (၅)ချက်

မေသော် 

ချစ်သူကောင်မလေးက ကိုယ့်ကို သ၀န်တိုတယ်ဆိုတာ ကိုယ့်ကို ဆုံးရှုံးရမှာကြောက်လို့ပေါ့။ ဒါကောင်းတဲ့အချက်ပါပဲ။ ဒါပေမယ့် သ၀န်တိုတာလိုတာထက် ပိုလာရင်တော့ နှစ်ဦးသားဆက်ဆံရေးမှာ အနှောင့်အယှက်ဖြစ်လာပါလိမ့်မယ်။ ဘယ်သွားသွား စိတ်မချတာ၊ ဘယ်သူနဲ့ရှိနေသလဲ အားလုံးကို သိချင်နေတာ၊ သူ့မျက်ကွယ်ရာမှာ နောက်တစ်ယောက်ထားနေပြီလားဆိုပြီး သင့်ကိုစစ်ဆေးမေးမြန်းတာတွေ မကြာခဏလုပ်လာပြီဆို၇င် သင်လည်း စိတ်ညစ်လာမှာပါပဲ။ အောက်ကအချက်လေးတွေက သင့်ချစ်သူဟာ အလွန်အကျွံ သ၀န်တိုတတ်တဲ့သူ ဟုတ်မဟုတ်ဆိုတာ ပြောပြပေးနိုင်ပါတယ်။

၁။သူ့ရှေ့မှာ တစ်ခြားမိန်းကလေး၊ အမျိုးသမီးတစ်ယောက်ယောက်အကြောင်း ပြောလို့မရလောက်အောင်ပဲ။

ကိုယ့်ရုံးက လုပ်ဖော်ကိုင်ဖက်အမျိုးသမီး၊ ဒါမှမဟုတ် သူငယ်ချင်းရဲ့ညီမ စသဖြင့် ကိုယ်က တစ်ခြားမိန်းကလေးတစ်ယောက်အကြောင်း ပြောလိုက်တာနဲ့ သူ့ပုံစံက ပြောင်းသွားတော့တာပါပဲ။ ကိုယ်ပြောလိုက်မိတဲ့လူတွေနဲ့က ဒီတစ်ခါတင် မဟုတ်ဘူး။ နောက်ထပ်လည်း အကြိမ်ပေါင်းများစွာ အတူတူရှိနေရဦးမယ်ဆိုတာ သူရော၊ ကိုယ်ရော သိထားရက်သားနဲ့ အဲ့ဒီလို တစ်ခါပြောလိုက်တိုင်း သ၀န်တိုပြီး ပြသနာရှာနေရင်တော့ နှစ်ယောက်စလုံး စိတ်ဒုက္ခရောက်စရာတွေ ဖြစ်လာနိုင်တာပေါ့။

၂။သင့်ကို ဘာမဟုတ်တဲ့ မေးခွန်းပေါင်းများစွာ ဆက်တိုက်မေးနေလိမ့်မယ်။

အဖြေအတိအကျမရှိတဲ့ မေးခွန်းတွေနဲ့ တွေ့တိုင်းဟိုမေးဒီမေး မေးနေလိမ့်မယ်။ ကိုယ်က သူမေးတာတွေကို အင်း ၊ အဲ လုပ်မိပြီဆိုရင် ကိုယ်ကပဲ တစ်ခြားတစ်ယောက်ရှိနေသလိုလို သူတို့ပြောဆိုလိမ့်မယ်။ ဒီလို ချစ်သူမျိုးရှိနေရင်လည်း သင့်အတွက် တော်တော်လေးကို စိတ်ပင်ပန်းစရာ ကောင်းတာပါ။

၃။နှစ်ဦးသားဆက်ဆံရေးကို ယုံကြည်မှုအပြည့်အ၀မရှိဘူး။

ဘေးပတ်ဝန်းကျင့်ကြောင့်ဖြစ်ဖြစ်၊ အရင်ကတွဲခဲ့တဲ့ ရည်းစားဟောင်းကြောင့်ပဲဖြစ်ဖြစ် ခုလက်ရှိ ဆက်ဆံရေးကို ယုံကြည်မှုမရှိသလို လုံခြုံပြည့်ဝမှုကိုလည်း သူတို့မခံစားရတဲ့အခါ ဘာမှမဟုတ်တာလေးတွေကိုပါ ပြောဆိုလာကြမယ်။ သ၀န်တိုလာမယ်။ ပြသနာရှာလာမယ်။

၎။သင့်ရဲ့ကိုယ်ရေးကိုယ်တာ မေးလ်ရဲ့ လျှို့ဝှက်နံပါတ်တွေ တောင်းလာမယ်။

ဆိုရှယ်မီဒီယာပေါ်မှာ သင်တင်ထားတဲ့ စတေးတပ်စ်တွေ၊ ပို့စ်တွေက ဘာအဓိပ္ပါယ်လဲ။ ဘယ်သူ့ကိုရည်ရွယ်တာလဲ။ ဘယ်ကိုရောက်နေပြီး ဘယ်သူတွေနဲ့လဲ။ သူငယ်ချင်း မိန်းကလေးရောပါသလား စတာတွေကို စစ်ဆေးလာသလို သင့်မေးလ်ရဲ့ password တွေကိုပါ သူမကို ပေးထားဖို့ တောင်းလာမယ်ဆို၇င် ဒါဟာ သင့်အပေါ် ယုံကြည်မှုနည်းလာတာ၊ လိုတာထက် ပိုသ၀န်တိုလာတာပဲပေါ့။

၅။တစ်ခြားမိန်းကလေးတွေနဲ့ စွပ်စွဲလာမယ်။

ဆန့်ကျင်ဘက်လိင် အမျိုးသမီးပဲဖြစ်ဖြစ်၊ ကောင်မလေးတွေပဲဖြစ်ဖြစ် ကိုယ့်ဘက်က ရည်ရည်မွန်မွန် ပြောဆိုဆက်ဆံလိုက်တာနဲ့ သူတို့ကို ကြိုက်နေတာလားဆိုပြီး မေးမြန်းခံရမယ်။ စွပ်စွဲတာမျိုးတွေ လုပ်လာပြီဆိုရင်လည်း သူဟာ သ၀န်တိုတာထက်ပိုတဲ့ သ၀န်ကြောင်တာမျိုး ဖြစ်နေလို့ပါ။
Ref:mensxp.com