နှစ်ပေါင်း ၄၆ နှစ်တိုင်တိုင် ကိုယ်ဝန်ဆောင်ခဲ့ရပြီး ကျောက်တုံးသန္ဓေသားကို မွေးခဲ့တဲ့အမျိုးသမီး

Jack the Ripper
၁၉၅၅ ခုနှစ်၊ Casablanca ဒေသပြင်ပက ရွာငယ်လေးတစ်ရွာမှာ အသက် ၂၆ နှစ်အရွယ် အမျိုးသမီး Zahra Aboutalib ဟာ သူမရဲ့ပထမဆုံးကလေးကို ကိုယ်ဝန်ဆောင်ခဲ့ပါတယ်။ သူမကလေးမိခင်ဖြစ်ရတော့မှာကို ပျော်ရွှင်နေခဲ့ပေမယ့် ခက်ခဲတဲ့ အလုပ်ကြမ်း ၄၈ နာရီကို လုပ်ကိုင်ဖြတ်သန်းအပြီး သူမဌာနေဆေးရုံကို ပြေးရပါတော့တယ်။ ဆရာဝန်တွေက ကလေးကိုခွဲစိတ်မွေးဖွားပေးရမယ်လို့သူမကိုပြောခဲ့ပါတယ်။ Zahra ဟာ ဆေးရုံလူနာခန်းထဲမှာ  ကလေးမွေးရင်း ပြင်းထန်တဲ့ နာကျင်မှုကိုခံစားရပြီးသေဆုံးခဲ့တဲ့ အမျိုးသမီတစ်ဦးကိုတွေ့ခဲ့ရပါတယ်။ Zahra ဟာသူမဆေးရုံမှာဆက်နေမယ်ဆိုရင် အလားတူ ကြမ္မာဆိုးကိုကြုံတွေ့နိုင်မယ်ဆိုတဲ့ ကြောက်စိတ်နဲ့ ဆေးရုံကိုစွန့်ခွာခဲ့ပါတယ်။
နောက်ပိုင်းနေ့ရက်တွေမှာတော့ Zahra တစ်ယောက် အလုပ်ကြမ်းကြောင့် အလွန်ပြင်းထန်တဲ့ နာကျင်မှုကိုခံစားခဲ့ရပါတယ်။ ဒါပေမယ့် ကလေးငယ်ကသူမရဲ့သားအိမ်ထဲမှာ ခိုင်ခိုင်မာမာပဲရှိနေခဲ့ပါသေးတယ်။ ရက်အနည်းအငယ်ကြာမှာ နာကျင်မှုတွေပျောက်ကင်းသွားပြီး ကလေးရဲ့လှုပ်ရှားမှုရပ်တန့်သွားပါတယ်။ မော်ရိုကန် ယဉ်ကျေးမှုအရ ကလေးငယ်ဟာ မိခင်ဖြစ်သူရဲ့ ဂုဏ်သိက္ခာကို ကာကွယ်ဖို့ မိခင်ရဲ့ဝမ်းဗိုက်ထဲမှာ အိပ်စက်နေနိုင်တယ်လို့ ယုံကြည်ကြပါတယ်။ Zahra ကအဲဒီ့အစွဲကို ယုံကြည်ခဲ့ပြီး ကိုယ်ဝန်ကို စိတ်ထဲမှာမထားတော့ပါဘူး။ သူမက ကလေးသုံးယောက်ကိုမွေးစားခဲ့ပြီး အချိန်ကာလအရ သူတို့ကြောင့် သူမ အဖွားတစ်ဦးဖြစ်ခဲ့ပါတယ်။
နှစ်ပေါင်းများစွာအကြာ Zahra အသက် ၇၅ နှစ်အရွယ်ရောက်ခဲ့ပြီး နာကျင်မှုရုတ်တရက် ပြန်ပေါ်လာပါတယ်။ မွေးစားမိခင်ဖြစ်သူရဲ့ကျန်းမာရေးကို ကောင်းမွန်စေလိုတဲ့ မွေးစားသားဖြစ်သူက သူမကို ကျွမ်းကျင်သမားတော်နဲ့ တွေ့စေချင်ခဲ့ပါတယ်။ ဒါကြောင့်သူတို့က ပရော်ဖက်ဆာ Taibi Ouazzani ရှိတဲ့ Rabat မြို့ကိုသွားခဲ့ပါတယ်။ သူက သူမရဲ့ ဖောင်းထွက်နေတဲ့ ဝမ်းဗိုက်ဟာ သားဥကျူမာကြောင့်ဖြစ်တယ်လို့ သံသယရှိခဲ့ပြီး သူမဓာတ်မှန်ရိုက်ဖို့အတွက် ပြင်ဆင်ခဲ့ပါတယ်။ အဲဒီ့ဓာတ်မှန်ကနေ သူအမျိုးအမည်ခွဲခြားမပေးနိုင်တဲ့ ကြီးမားတဲ့ အရာတစ်ခုကိုတွေ့ရှိခဲ့ပါတယ်။
ထပ်တိုးကောက်ချက်ချဖို့အတွက် Ouazzani ဟာ ကျွမ်းကျင်တဲ့ ရေဒီယိုဂရပ်ဖာဆီကိုသွားဖို့ ညွှန်းလိုက်ပါတယ်။ ဒါဟာ ထုံးကျောက်ဖြစ်တည်နေတဲ့ အရာဝတ္ထုတစ်ခုဖြစ်နေပြီး MRI scan မှာတော့ အသေးစိပ်အနေနဲ့ ဒါဟာ Zahra လွန်ခဲ့တဲ့ ၄၆ နှစ်က ရခဲ့တဲ့ကိုယ်ဝန်ဖြစ်ကြောင်း အသေးစိပ်သိခဲ့ရပါတယ်။
သန္ဓေသားကို ကြိုးစားပြီးဖယ်ထုတ်ဖို့ အန္တရာယ်ကင်းပါ့မလားဆိုတာဆုံးဖြတ်ဖို့ ပရော်ဖက်ဆာ Ouazzania တစ်ယောက်တော်တော် အကျပ်ရိုက်ခဲ့ပါတယ်။ သန္ဓေသားဟာ ၇၁ ပေါင်လေးပြီး အရှည်က ၄၂ စင်တီမီတာရှိပါတယ်။
ခွဲစိပ်မှုပြုတဲ့အခါ သန္ဓေသားဟာ ထုံးကျောက်အဖြစ်ဖြစ်တည်နေပြီး မာကျောတဲ့ အစိုင်အခဲတစ်ခုဖြစ်နေတာကိုတွေ့ရပါတယ်။ တကယ်တော့ဒါဟာ ကျောက်တုံးကလေးငယ် (Stone-Baby) ဖြစ်ပါတယ်။ ပိုပြီးစိတ်ဝင်စားစရာကောင်းတာကတော့ အဲဒီ့သန္ဓေသားက မိခင်ရဲ့ ဝမ်းဗိုက်နံရံ၊ အဓိကအင်္ဂါတွေနဲ့တစ်သားထဲဖြစ်နေတာဖြစ်ပါတယ်။
၎ နာရီနီးပါးအကြာမှာ ခွဲစိပ်ဆရာဝန်တွေက အဲဒီ့ ထုံးကျောက်သန္ဓေသားကို Zahra ဆီကနေခွဲထုပ်နိုင်ခဲ့ပြီး ခွဲစိပ်မှုအောင်မြင်ကြောင်းကြေငြာနိုင်ခဲ့ပါတယ်။
မိခင်ဝမ်းဗိုက်ပြင်ပ သန္ဓေသားကြီးထွားမှုဖြစ်စဉ်မှာ တကယ်လို့မိခင်ရဲ့ခန္ဓာကိုယ်ထဲပြန်လည်ပေါင်းထည့်ဖို့ သန္ဓေသားကအလွန်ကြီးမားနေခဲ့ရင်၊ သန္ဓေသားဟာ မိခင်ရဲ့ခုခံအားစနစ်ရဲ့ပြင်ပ
ခန္ဓာကိုယ်တစ်ခုဖြစ်သွားပါတယ်။ သူ့ကိုယ်သူ ကူးစက်နိုင်ချေရှိတဲ့ ရောဂါတွေကနေကာကွယ်ပေးဖို့အတွက် မိခင်ခန္ဓာကိုယ်ဟာ သန္ဓေသားကို ကယ်လ်ဆီယမ်ဓာတ်ပါဝင်တဲ့ အရာဝတ္ထုနဲ့ဖုံးအုပ်စေပြီး တစ်သျှူးတွေသေဆုံးကာ အရည်ဓာတ်ခြောက်ခမ်းစေတာဖြစ်ပါတယ်။
ကယ်လ်ဆီယမ်နံရံဖြစ်ပေါ်လာတဲ့အခါမှာ သန္ဓေသားကို မမ်မီကဲ့သို့ထုတ်ပိုးထိမ်းသိမ်းလိုက်တာဖြစ်ပြီး lithopedion သို့မဟုတ် ကျောက်တုံးကလေးငယ် (Stone Baby) အနေအထားကိုရောက်ရှိသွားတာဖြစ်ပါတယ်။


Ref: mymultiplesclerosis.co.uk