LG ရဲ့ Lifeband Touch လက်ပတ်

စမတ် လက်ကောက်တွေ၊ လက်ပတ်တွေ၊ လက်စွပ်တွေ ခေတ်စားနေချိန်မှာ LG ကလည်း အားကျမခံ ရွှေလက်ပတ်ကိုထုတ်လိုက်ပါပြီ။ သူကတော့ LG Version Smart Fitness Gear ပါ။ Samsung Galaxy Gear လိုမျိုးပေါ့၊ Touch OLED Display နဲ့ဖြစ်ပါတယ်။ LG ရဲ့ ပထမဦးဆုံး စမတ်လက်ပတ်တစ်ခုဆိုလည်းမမှားပါဘူး။ အခြားတွေ့နေကြ စမတ်လက်ပတ်တွေလိုပဲ ဒီ LG စမတ်လက်ပတ်ကို ရင်းနှီးကျွမ်းဝင်စေမှာ ဖြစ်ပါတယ်။ သူက ဖုန်းခေါ်ဆိုမူတွေ၊ အချက်ပေးစနစ်တွေကို အဓိကထား အချက်ပေးသွားမှာ ဖြစ်ပါတယ်။ မက်ဆေ့ရောက်ရင် ရောက်နေပြီး အဲဒီလိုမျိူးပေါ့ ။
Music ထိန်းချုပ်မူတွေနဲ့ အခြား အသံကွန်ထရိုး၊ အသံတိတ်ခေါ်ဆိုမူစတဲ့ အရာများကိုလည်း ဒီ Touch Screen ဖြစ်တဲ့နေရာကနေ ထိန်းချုပ်နိင်မှာ ဖြစ်ပါတယ်။ နာရီတွေ အချက်ပေးမူတွေကို ကြည့်ချင်ရင် လက်ကောက်ဝတ်ကို တစ်ချက်ပင့်တင်လိုက်ရုံပါပဲ။ စမတ်ကျလှတဲ့ LG လက်ပတ်လေးပါ။ ဖုန်းမှာ Apps တစ်ခုနဲ့ ပူးတွဲသုံးရမှာ ဖြစ်ပါတယ်။RunKeeper နဲ့ MyFitnessPal လိုမျိုး Apps တွေပေါ်မှာ လည်းအသုံးပြုနိင်ပါလိမ့်မယ်။ iOS နဲ့ Android နှစ်မျိုးလုံးမှာ သုံးနိင်ပါတယ်။  

Aung Heine ( www.smart.com.mm )